Det er med glede me kan sei at DUF har to fulle klassar på åttande trinn til hausten. Elevane kjem frå både Meland, Lindås og Bergen kommune. 13 ulike barneskular er representerte. Måndag 29.april hadde me elev- og foreldrekveld der dei for første gong fekk møta kvarandre og lærarane dei skal ha. 

På niande trinn er det framleis ledige plassar. Er du nysjerrig på om dette er skulen for deg? Les informasjon på sida her og ta gjerne kontakt om du har spørsmål. 

Bruk eige søknadsskjema for å søka elevplass. 

Torsdag 18. april skal elevane ved Danielsen Ungdomsskule Frekhaug springa til inntekt for misjonsprosjektet vårt i Egypt. 

Prosjekt i Egypt
Pengane me samlar inn denne dagen går i si heilskap til eit prosjekt i Egypt, retta mot unge kvinner og familiar. Prosjektet heter Women Empowerment – Cairo, og starta i 2011 av organisasjonen Åpne dører.

I veke 16 byter me ut den vanlege timeplanen med annan undervisning. Skulen får fleire besøk, av mellom anna politiet. Me skal jobba med haldningsskapande arbeid når det gjeld nettvett og elevane skal få laga sine eigne nettvettreglar. Me får besøk av ein journalist som skal fortelje korleis det er å jobba i avis og kva dei må tenka på før dei publiserer tekst og bilete på nettet. Og me skal ha misjonsløp (sjå eigen sak om det). Me satsar også på å laga noko tysk og spansk mat til lunsj ein dag. 

Sjølv om søknadsfristen for å koma med i første opptak for skuleåret 2013- 2014 no er ute er det framleis mogleg å søke skuleplass ved Danielsen Ungdomsskule Frekhaug. 

Det er nokre få ledige plassar for 8. klasse førstkomande skuleår.

Vi har også ledige plassar i niande klasse for skuleåret 2013 - 2014.

Søknadsskjema finn du her.

I det me nærmar oss 1. desember og søknadsfrist for å bli med i første inntak til nytt åttandetrinn ved Danielsen Ungdomsskule Frekhaug, viser søknadstala stor interesse for skulen.

Skulestyret gjorde i sitt møte 21. november vedtak om at ein kunne ta inn inntil 60 elevar på åttande trinn hausten 2013. Dette betyr at skulen kan verta fire gongar så stor, som det den er i dag. I dag er det 22 elevar ved skulen, om eit år kan talet vera 82.

Måndag 29.10 arrangerte skulen Open kveld der born frå 8 - 12 år med foreldre var invitert til å sjå skulen og få eit lite blikk i undervisningskvardagen ved skulen.

Danielsen Ungdomsskule Frekhaug har hatt ein flott oppstart, med tur til Sætervika, deltaking i Knarvikmila og storslått opningsfest.

Allereie første veka reiste 22 glade elevar og 5 vaksne til Sætervika for å bli betre kjende med kvarandre. Dei kom alle glade og fornøgde heim igjen, med nye vennskap i startgropa, bedre kjennskap til lærarane og litt innsikt i kva ein Danielsen - skule er.